INUKA

“Akili kubwa niliyoiona ndani ya Joas nikiwa katika Jopo la usaili wa kazi yake mwaka 2014 ,leo naiona kwa kina zaidi kila nikisomapo kitabu cha INUKA .Hakika Amejikita katika kuwaongoza watu kuziona ,kuzijua na kuzitumia fursa zilizopo ,kutumia mazingira yaliyopo kubuni shughuli ya kipato kuweka watu pamoja ili washirikiane kiuchumi na kuwasimamia waweze kufikia mafanikio yao .Hakika Joas Ameletwa na Mungu ili watu wainuke kiuchumi “.

“Nimemfahamu Joas Yunus tangu nikiwa pamoja nae chuoni chuo kikuu cha Dar es salaam (UDSM) ,ni mtu ambaye amekuwa na shauku kubwa kuona vijana wanainuka na kuchukua hatua madhubuti za kuwaletea mafanikio.Nimepata muda wa kutosha kupitia maandishi yake katika kitabu cha Inuka toleo la kwanza .Hakika ameandika mambo muhimu sana kwa watu wa rika zote ambao wanataka kuona mafanikio katika maisha yao.Kama ningeambiwa nitaje baadhi ya vitabu vya waandishi wa Kiswahili ambavyo vimeandikwa kwa ustadi mkubwa na vyenye uwezo wa kubadili maisha ya mtu ,hakika nisingeacha kutaja kitabu hiki miongoni mwavyo”

“Kupitia kitabu cha INUKA, nimejifunza kushikilia kile ninachokiamini mpaka nione matokeo  bila kujali mazingira hasa watu wanaonizunguka .Maneno ninayokumbuka ni kuwa huwezi kumzuia kuku kutaga .Ukijiamini hakuna anayeweza kuzuia mafanikio yako.Pamoja na kusoma vitabu vya waandishi wengi kama kitabu cha Tenganamba na vitabu vya Shigongo  kitabu cha INUKA baada ya kukisoma kimenifanya ninyanyuke kabisa kwenda kuitimiza ndoto yangu “