FUNGUO ZA UFALME WA MBINGUNI

Kila mlango unahitaji Funguo kuingia na kujionea thamani ya vilivyopo ndani yake kadhalika Ufalme wa Mungu umesheheni siri na hazina tele ambazo pasipo kujua Funguo na namna ya kuzitumia ipasavyo katika maisha yetu katika Kristo itafanya tuendelee kuwe watumwa ikiwa sisi ni Wana wa Mungu. Hichi kitabu kinashusha Funguo mbalimbali katika Ufalme wa Mungu ni jukumu letu kujihusisha kikamilifu ili kuleta mguso wa kiungu kwa utukufu wa Mungu.

Agizo kutoka kwa Yesu Kristo kwa wanafunzi wake ikiwepo mimi na wewe ni kwenda kutiisha ulimwengu kwa habari njema ya Injili kwa kutekeleza kikamilifu maagizo haya sote tunajionea utimilifu wa unabii kwa kuchochea matendo makuu ambayo ni zaidi ya matokeo yanahubiriwa leo kama baraka (mafanikio), karama za Roho Mtakatifu mfano uponyaji.

"Akawaambia, Enendeni ulimwenguni mwote, mkaihubiri Injili kwa kila kiumbe. Aaminiye na kubatizwa ataokoka; asiyeamini, atahukumiwa. Na ishara hizi zitafuatana na hao waaminio; kwa jina langu watatoa pepo; watasema kwa lugha mpya; watashika nyoka; hata wakinywa kitu cha kufisha, hakitawadhuru kabisa; wataweka mikono yao juu ya wagonjwa, nao watapata afya." (Marko 16:15-18) 

Kuihubiri Injili nyingine inatupelekea kuwa chini ya laana ikiwepo changamoto ya afya ya akili na mwili kadhalika familia na ndoa kutokuwa kielelezo cha Kristo Yesu. Je Habari Njema tuliyoagizwa kwenda kuihubiri ulimwenguni kote ni ipi?

Katika Kitabu hiki utapokea ufunuo na nguvu za Mungu zitazokuwezesha kujua na kufahamu misingi ya mafundisho ya Injili thabiti na namna ya kuisimamia kikamilifu katika utumishi huu wa siku za mwisho kabla ya siku ya mwisho. Wokovu, Ujazo wa Roho Mtakatifu na udhihirisho wa karama zake, mamlaka ya mwamini na mengine ni muhimu sana katika kutujenga katika safari yetu ya utumishi kutuwezesha kutimiza mapenzi ya Mungu yaliyokamilifu na yenye kumpendeza. Na hakika kanisa tutarejea katika utiisho na udhihirisho wa kanisa la kwanza na kujionea utukufu wa siku hizi ukiwa mkuu kuliko wa mwanzo. Naamini nakala hii imesheheni nguvu za Mungu na uwepo wake katika kufungua macho yako kuona vyema umaajabu uliopo katika neno la Mungu na masikio yako yatafunguliwa utaisikia sauti ya Mungu kwa uhakika bila kubahatisha na neema ya kutii maelekezo ya Mungu utaipokea mara.