MEDITATION - TAHAJUDI KWA WANAOANZA

Katika kitabu hiki utaelewa kwa kina maana ya Tahajudi, historia yake, faida zake kwa mwili, akili na roho. Utafundishwa hatua kwa hatua jinsi ya kuanza kufanya Tahajudi hata kama hujawahi kufanya kabla. Utaelewa nafasi ya pumzi, fikra, hisia, na namna ya rnkushughulika na changamoto unazoweza kukutana nazo unapojifunza.

Kila mtu anakimbizana kutafuta mafanikio, fedha, mahusiano 

bora, afya njema, au hata maana ya maisha yenyewe.

Kwahiyo maisha yamejaa papara, kelele, msongo wa mawazo na mashinikizo kutoka kila upande.

Katika harakati hizi zote, wengi wetu tumepoteza kitu cha thamani sana – utulivu wa ndani. Tumekuwa tukiamka kila asubuhi tukiwa na hofu, kukata tamaa, kuchanganyikiwa au kuchoka hata kabla siku haijaanza. Na 

jioni tunalala bila amani, tukibeba mizigo ya mawazo ya siku nzima.

Tumezoea kuishi katika hali hii kiasi kwamba tumeona ni kawaida –lakini si kweli.

Ndipo hapa Tahajudi, au taamuli, inapotokea kama mwanga katika giza nene. Ni kama pumzi safi ya hewa ya mlima kwa mtu aliyekuwa akivuta hewa chafu kwa muda mrefu.

Tahajudi ni sanaa ya kukaa kimya, kujielekeza ndani ya nafsi yako, na kurudi kwenye hali ya asili ya utulivu ulioumbwa nayo. Ni njia ya kurudi nyumbani – nyumbani kwa roho yako. Kitabu hiki, Tahajudi kwa Wanaoanza, kimeandikwa kwa moyo wa upendo na nia ya dhati ya kusaidia watu waliowahi kujiuliza, “Je, Tahajudi ni nini hasa? Inafanywa vipi? Je, nitaiweza?” Kama wewe ni mmoja wao, basi uko mahali sahihi.

Lengo langu si kukuambia kwamba unapaswa kuwa mtaalamu wa yoga au kuhamia milimani ili kuweza kutahajudi. Hapana. Lengo langu ni kukuonyesha kwamba unaweza kuanza sasa hivi, hapo ulipo. Huna haja ya kua na vifaa ghali wala muda mrefu. Unahitaji tu nia ya kujifunza, dakika chache kila siku, na moyo wa kutaka kubadilika kutoka ndani.

Katika kitabu hiki utaelewa kwa kina maana ya Tahajudi, historia 

yake, faida zake kwa mwili, akili na roho. Utafundishwa hatua kwa hatua jinsi ya kuanza kufanya Tahajudi hata kama hujawahi kufanya kabla. Utaelewa nafasi ya pumzi, fikra, hisia, na namna ya 

kushughulika na changamoto unazoweza kukutana nazo 

unapojifunza.

Tahajudi si jambo la kidini, si la watu maalum, si kwa wazee tu au wenye matatizo pekee. Ni zawadi kwa kila mwanadamu – mwanamke, mwanaume, kijana, hata mtoto. Ni zana ya maisha ambayo ikiwa tutaijua mapema, inaweza kubadilisha kabisa namna tunavyoishi, namna tunavyopenda, namna tunavyokasirika, namna 

tunavyosamehe, na namna tunavyojipenda wenyewe.

Kwa hiyo, nakukaribisha kwa moyo mkunjufu katika safari hii ya ndani. Safari ya kujielewa, kusamehe, kupumzika, kutuliza mawazo na hatimaye kuishi maisha yaliyojaa amani, furaha na mwangaza wa kweli.

Usiogope kama hujui chochote. Kitabu hiki hakihitaji uje ukiwa na 

ujuzi. Kinahitaji uje ukiwa na moyo wa kujifunza. Hicho tu ndicho kilicho muhimu.

Karibu sana kwenye safari yako ya ndani kupitia Tahajudi.