KIBURI

KIBURI by Yuris Dutch ni Kitabu bora sana kwa afya ya ustawi wa kila Mtu.

Moja kati ya mambo makubwa yanayoendelea kuutesa ulimwengu wa mioyo ya watu duniani ni kiburi, kama kuna hali inayodondosha watu wengi katika siku hizi za karne ya 21 kutoka katika umaarufu hadi kutokujulikana kabisa  ni kiburi.Wanasiasa wakubwa nchini tunashudia jinsi wanavyoshushwa vyeo na wengine kufukuzwa kazi kabisa kwa sababu ya kiburi cha kuzimiliki nafasi walizopewa.Kiburi kimefanya watu wenye misuli ya kifedha Kuwadharau watu wasio na misuli ya kifedha, kiburi kimeondoa thamani ambayo kila mwanadamu alipaswa aipate kutoka kwa mwenzake. Kiburi kimeondoa sura halisi ya upendo ambao mwanadamu alipaswa awe nao kwa wanadamu wengine, kiburi kimeshika hatamu ya maovu yote ambayo mwanadamu angeweza kuyafanya katika ulimwengu huu. Mambo mengi yametokea kutokana na kiburi na matokeo yake ni ya kusikitisha. Kama kuna dhambi Mungu anampinga mwenye nayo moja kwa moja ni hii dhambi ya kuwa na kiburi.

Kitabu hiki kinaelezea mambo yote ya muhimu yanayogusa maisha ya mwanadamu katika kiburi, ubaya wa kiburi, sifa za mtu mwenye kiburi, Madhara ya kiburi, njia za kuepuka kuwa na kiburi na mengine mengi utayapata ndani ya Kitabu hiki.

Maandiko matakatifu yametumika Kama msingi wa mafundisho ya Mungu juu ya kiburi ili kila atakayesoma katika imani yake aweze kujua maana halisi ya dhambi hii mbaya ya kiburi inayoua watu wengi ndani bila ya wao kujua na matokeo yake yanakuja kudhihirika baadae kabisa. Karibu Mungu akubariki.