Maisha Nyuma Ya Pazia

Maisha Nyuma Ya Pazia

Maisha ya mtu nyuma ya pazia wengi huwa hatuyafahamu kwa sababu hayaonekani kiurahisi. Maisha yanayoonekana ki- wepesi na haraka yanafananishwa na ukurasa wa mbele, ukurasa wa mbele wa gazeti. Ukurasa wa mbele wa kitabu unaonekana sana kuliko mambo yaliyomo. Kwa sababu maisha ya ukurasa wa mbele yanaonekana sana, watu wengi wamejikuta wakiamua kuigiza maisha hayo ili waonekane ki-wepesi na haraka wakati uhalisia wa maisha yao nyuma ya pazia hauendani na maisha yao ya ukurasa wa mbele. Ni kweli maisha ya ukurasa wa mbele yanafaa kuwa mazuri, ni kweli yanatakiwa kuvutia, ni kweli yanatakiwa kuwa kioo na barua nzuri katika jamii lakini hayatakiwi kuwa maigizo. Yanatakiwa kuwa halisi hata kama hamna mtu anayekuona.