KANUNI ZA KUFASIRI BIBLIA

KANUNI ZA KUFASIRI BIBLIA

Nachukua nafasi hii kumshukuru sana Mungu kwa kuniwezesha kukitoa kitabu hiki mara ya pili ndani ya muda mfupi. Nahesabu kuwa ni neema ya Mungu ya ajabu kwa ajili ya kitabu hiki kupata mwitikio mkubwa kwa watu wengi sana kupenda kukisoma, hata kuleta hitaji la kukichapisha tena katika muda usiozidi miaka mitatu. Kusudi la kitabu hiki, ni kuwasaidia wakristo wote wanaopenda kuisoma Biblia na kuielewa. Kitabu hiki kilichapishwa kwa mara ya kwanza mwaka 2006; na baada ya watu wengi sana kukisoma katika muda mfupi, nilianza kupokea simu nyingi na barua kutoka kwa wasomaji mbalimbali, wakitaka ufafanuzi zaidi juu ya mambo kadhaa. Katika toleo la kwanza, nilitoa maandiko mengi zaidi lakini ufafanuzi ukiwa kidogo; nikiamini kuwa msomaji mwenyewe atafuatilia maandiko hayo na kuyaelewa.