Ndoto Zako Malengo Yako Maisha Yako.

Kutimiza malengo yako pamoja na kuja kuishi ndoto zako ni vitu muhimu sana maishani. Hiki kitabu kitakusaidia kufahamu kuhusu changamoto mbalimbali ambazo huwasababishia watu wengi kushindwa kutimiza Malengo yao. rn Pia kimeweza kuelezea baadhi ya mbinu au njia za kukabiliana na changamoto mbalimbali ili uweze kutimiza Malengo Yako. Ni kitabu kizuri sana kwa ajili ya malengo yako. Kisome hiki kwa ajili ya Ndoto Zako. Ni zawadi ndogo ambayo ni ya thamani sana katika maisha yako.rnrnKinapatikana SASA

 Moja kwa moja sasa nitoe muhtasari wa kitabu hiki. Kama inavyojulikana wazi kuwa Mtu huwa na ndoto nyingi nyingi au chache mno ambazo hutamani kuishi ndani ya ndoto hizo katika Maisha yake.

 Mtu hujiwekea malengo mengi sana kila siku inapowadia, baadhi ya mipango hutimia na mingine huanguka na kushindwa kutimia kabisa. Yote haya ni maisha.

 Kutokana na uhalisia huo, niliona vyema kushika kalamu na kuanza kuandika kitabu kitakachosaidia katika kumjenga mtu kifikra na kitaaluma kuhusu Ndoto na Malengo ya Maisha yake. Yani, kumjengea jengo la fikra pana itakayomsaidia kuelewa zaidi kuhusu Ndoto za Maisha. Kuelewa zaidi kuhusu Malengo Ya Maisha na jinsi gani anaweza akajaribu kuyafikia. Sio tu kuyafikia bali kuyatimiza vile alivyotarajia.

  Kitabu hiki kinajumuisha Changamoto zilizopo kwenye kutimiza ndoto na malengo ya maisha. Pia, kinagusia namna za kuweza kuzikabili kwa kuzipunguza au kuziondoa kabisa hizo changamoto ambazo hukwamisha watu wengi sana kutimiza ndoto na malengo yao. Hayo ndiyo maudhui makuu yaliyomo ndani ya kitabu hiki.

  Furahia kukisoma kitabu hiki kwa namna vile utakavyo. Japo siwezi kukuhakikishia kwa asilimia zote kwamba nilicho kiandika humu kitafanya kazi kwako. Lakini ninaamini kuwa itakusaidia sana katika kuongeza fikra kuhusu ndoto na malengo ya maisha yako. Ni imani yangu kwamba maarifa yaliyomo humu yatakusaidia katika kutimiza malengo ambayo unayo sasa na utakayojiwekea baadae pia.

Wasalaam,

Ni mimi,

 Said B. Maumba.

Dar Es Salaam.

2021 Mei.